Receta

Tave Peshku
Ky është një gatim shumë i shijshëm, sepse të veçantën ia jep trofta, që rritet në këtë zonë. Preferohet të serviret i ngrohtë por dhe në ringrohje nuk e humbet shijen.

Mënyra e gatimit

Për përgatitjen e tavës së peshkut për 4 persona duhen: 1kg peshk, 100gr speca të marinuar, kripë, rigon. E kripim peshkun në brendësi dhe e mbushim me speca te grirë të marinuar, rigon dhe limon sipas dëshirës. Pastaj një nga një e mbështjellim në letër alumini dhe i rreshtojmë në një tavë. Piqet në furrë për 30 min.

Historia dhe tradita

Përdoret shumë në këtë zonë sepse është trofta e Cemit, që rritet në këtë vend dhe që e bën këtë gatim shumë të kërkuar dhe të preferuar.

Sezoni i prodhimit

Ky gatim mund të përdoret në çdo kohë dhe gjatë gjithë vitit.

Mish Ferliku
Ka pamje të errët për shkak të pjekjes të shumtë që i duhet bërë, shkëlqen nga yndyra dhe piqet i njëjtë, i
pandarë bagëtia e zgjedhur.

Mënyra e gatimit

Për përgatitjen e ferlikut veprohet kështu: Pasi qengjit i janë hequr organet e brendshme, kripet dhe vihet
në një shkop, që në gjuhën e zonës quhet hell. Qepet pjesa e barkut dhe vendoset pranë zjarrit, që duhet të
jetë i ngadalshëm. Helli rrotullohet vazhdimisht që pjekja të jetë e barabartë në të gjitha anët dhe të arrijë deri në brendësi. Proçesi i pjekjes arrin deri në 5 orë.

Historia dhe tradita

Ka origjinë shumë të hershme dhe ka qenë traditë për të gjitha familjet, që për çdo festë apo rast gëzimi që
të priten miqtë me mish ferliku. E kjo traditë ruhet dhe sot e kësaj dite në këtë zonë.

Sezoni i prodhimit

Ky gatim mund të përdoret në çdo kohë të vitit.
Kaçimak
Ka pamje të çelët dhe shkëlqen nga yndyra. Preferohet të serviret i nxehtë sepse pasi ftohet i humbet shija.

Mënyra e gatimit

Për gatimin e kaçimakut për 4 persona duhen: 1 kg miell, 500gr patate, 1kg djathë i pa kripur. Vendosim në
zjarr një tenxhere me ujë, hedhim patatet, pasi zihet patatja për 10 min, hedhim djathin dhe pastaj gjalpin, i përziejmë të gjitha bashkë.

Historia dhe tradita

Ky është gatim tradicional i zonës dhe ka origjinë shumë të hershme. Është përdorur shumë në atë kohë
sepse kishte pak përbërës dhe ishte i përballueshëm nga të gjitha familjet. Por është dhe një gatim shumë i
shëndetshëm.

Sezoni i prodhimit

Ky gatim preferohet kryesisht në dimër.

Djathë i Zier
Ka pamje të çelët, sipër duket qartë gjalpi i shkrirë, të cilin e lëshon djathi gjatë zierjes. Preferohet të serviret i nxehtë sepse kur ftohet humbet shijen.

Mënyra e gatimit

Për përgatitjen e djathit të zier për katër persona duhen: 2 kg djathë, 100gr miell misri ose gruri.
Vendosim një enë alumini në zjarr, grijmë djathin në copa të vogla dhe e hedhim në të. Përziejmë
deri sa djathi të shkrihet, pastaj hedhim dhe miellin dhe e lëmë të zihet. Gjatë kohës që masa zihet
duhet të përzihet pa ndërprerje. Gatimi ke përfunduar kur djathi ka lëshuar gjalpin.

Historia dhe tradita

Përdoret në të gjithë zonën, ka origjinë shumë të hershme. Ky ka qenë një gatim që nuk ka
munguar në tavolinën e festave apo ceremonive të fejesave e gëzimeve të tjera familjare.

Sezoni i prodhimit

Ky gatim mund të përgatitet gjatë gjithë vitit.